එක්සත් ජාතීන්ගේ මානව කටයුතු සම්බන්ධීකරණ කාර්යාලයේ UNOCHA නියෝජිත කණ්ඩායමක් 2011 අගෝස්තු 19 වන දිනදී උතුරු පළාත් ආණ්ඩුකාර ගරු ජීඒ චන්ද්‍රසිරි මහතා කොළඹ පිහිටි ආණ්ඩුකාරවර උප කාර්යාලයේ හමුවිය.

උතුරු පළාතේ පළාත් කමිටු රැස්වීම 2011 අගෝස්තු 18 වැනි දින යාපනය මහජන පුස්තකාල සංකීර්ණයේ පිහිටා ඇති පළාත් සභා ශ‍්‍රවණාගාරයේදී පැවැත්විය. ප‍්‍රධාන ලේකම් ඒ සිවසාමි මහතා මෙම රැස්වීමේ මුලසුන හෙබවූ අතර දෙවන කාර්තුවේ ප‍්‍රගතිය පිළිබඳව සමාලෝචනය කළේය.

අමාත්‍ය කේඑන් ඩග්ලස් දේවානන්ද හා ආණ්ඩුකාර ජීඒ චන්ද්‍රසිරි යන මහත්වරුන් අතින් 2011 අගෝස්තු 14 වැනි දින ඩෙල්ෆ්ට් දූපතේ පිහිටා ඇති වැව් අලුත්වැඩියා කිරීමේ කටයුතු ආරම්භ කරන ලදී.

සම්ප‍්‍රදායික කර්මාන්ත හා කුඩා ව්‍යවසාය සංවර්ධන අමාත්‍ය කේඑන් ඩග්ලස් දේවානන්ද, ආණ්ඩුකාර ජීඒ චන්ද්‍රසිරි හා රජයේ උසස් නිලධාරීන්  ඩෙල්ෆ්ට් සමාජ සේවා සංවිධාන හා ආගමික සංවිධානවල නියෝජිතයින් හමුවී සාකච්ඡාවක් පැවැත්විය. තවද ඔවුන් ප‍්‍රදේශයේ ජනතාව මුණගැසීය.

අමාත්‍ය කේඑන් ඩග්ලස් දේවානන්ද, ආණ්ඩුකාර ජීඒ චන්ද්‍රසිරි හා පාර්ලිමේන්තු මන්ත‍්‍රී එම් චන්ද්‍රකුමාර් යන මහත්වරුන් කිළිනොච්චියේ චුන්ඩිකුලම් මුහුදේ ඉස්සන් බෝකිරීම ආරම්භ කිරීමේ සැලසුම් පිළිබඳව අදාළ අමාත්‍යාංශවල උසස් නිලධාරීන්, උතුරු කරච්චි ධීවර සමූපකාර සමිතිවල නියෝජිතයින් සමඟ සාකච්ඡාවක් පැවැත්විය.

මන්නාරම දිස්ත‍්‍රික්කයේ නව පත්වීම් ලැබූ සහකාර කළමණාකරුවන් සඳහා පස්දින ආරම්භක පුහුණු වැඩසටහනක් අගෝස්තු 9 වැනිදා සිට 13 වැනිදා දක්වා මන්නාරම දිස්ත‍්‍රික්ක ලේකම් පුහුණු කිරීමේ ශාලාවේදී පැවැත්විය.