வடமாகாண கல்வி பண்பாட்டலுவல்கள், விளையாட்டுத்துறை இளைஞர் விவகார  அமைச்சு மற்றும் விவசாயமும் கமநல சேவைகளும், கால்நடை அபிவிருத்தி, நீர்ப்பாசனம், மீன்பிடி, நீர்வழங்கல் மற்றும் சுற்றாடல் அமைச்சு ஆகியவற்றின் செயலாளர்கள் புதிதாக நியமிக்கப்பட்டுள்ளார்கள். 

கல்வி அமைச்சின் செயலாளராக சிவலிங்கம் சத்தியசீலன் நியமிக்கப்பட்டுள்ளார்.  விவசாய அமைச்சின் செயலாளராக கந்தையா  தெய்வேந்திரன் நியமிக்கப்பட்டுள்ளார்.

அவர்களுக்கான நியமனக்கடிதங்களை வட மாகாண ஆளுநர் றெஜினோல்ட் குரே  வழங்கினார்.  இந் நிகழ்வு 05 மே 2018 அன்று  யாழ்ப்பாணத்திலுள்ள ஆளுநர் செயலகத்தில் இடம்பெற்றது. இந்நிகழ்வில் ஆளுநரின் செயலாளர் இ.இளங்கோவன் உதவிச் செயலாளர் ஜே.எக்ஸ் செல்வநாயகம் ஆகியோர் கலந்து கொண்டனர்.